Deputeti i VV-së Adnan Rrustemi, në lidhje me deklaratën e zëdhënësit të BE-së, Peter Stano, se “vendosja e disa masave kundër qeverisë së Kosovës për shkak të paaftësisë për të vepruar në një mënyrë evropiane drejt shtensionimit dhe marrjes së hapave të rëndësishëm në këtë drejtim”, përcjell InLajmi
Rrustemi e ka pyeture Stanon se “qyshkur luftimi i krimit e shteti ligjor nuk na qenkan sjellje evropiane, kurse mësymja e grupeve kriminale nga Serbia e kidnapimi i policëve, qenkan sjellje evropiane?”
Postimi i plotë i tij:
Zëdhënësi i BE-së paska thënë se “masat ndaj Kosovës u ndërmorrën për shkak të sjelljes joevropiane.”
Qyshkur z. Peter Stano, luftimi i krimit e shteti ligjor nuk na qenkan sjellje evropiane, kurse mësymja e grupeve kriminale nga Serbia e kidnapimi i policëve, qenkan sjellje evropiane?!
Nëse ka ndonjë ndryshim së fundi në ato që njihen si vlera evropiane, na trego z. Stano! /InLajmi/
