Ministria e Kulturës, Rinisë dhe Sportit, u ka bërë thirrje të rinjve të vendit, që të aplikojnë në Panairin e Rinisë gjatë këtyre 3 ditëve, për të ekspozuar punën e tyre mbi fusha të ndryshme, përcjell InLajmi.
Në njoftim thuhet se shembujt që mund të ekspozohen janë krijimtaritë në fushën e artit, artizanate të ndryshme, punëdore, gastronomi, teknologji informative, prodhimtari, si dhe fusha të tjera që reflektojnë punën dhe angazhimin tuaj.
Njoftimi i plotë nga Ministria e Kulturës, Rinisë dhe Sportit:
Thirrje të rinjve, edhe 3 ditë kohë për të aplikuar në Panairin e Rinisë dhe të ekspozoni punën tuaj.
Ky panair mbahet në Prishtinë më datë 25 gusht nga ora 11:00 dhe ofron hapësirë për të rinjtë që të paraqesin veprimtarinë e tyre dhe të rrjetëzohen me institucionet publike, sektorin privat dhe organizatat.
Nëse jeni artistë, artizanë, ndërmarrës apo krijues të rinj (15 – 24 vjeç), inkurajoheni të aplikoni për të siguruar hapësirë.
Shembuj që mund të ekspozohen janë krijimtaritë në fushën e artit, artizanate të ndryshme, punëdore, gastronomi, teknologji informative, prodhimtari, si dhe fusha të tjera që reflektojnë punën dhe angazhimin tuaj./InLajmi/
