Drejtori i Zhvillimit Ekonomik dhe Turizmit, Balton Derguti, ka vizituar punën e 10 bizneseve në pronësi të grave të cilat janë përfituese të granteve nga kjo drejtori, përcjell InLajmi
Derguti ka vizituar personalisht secilën prej këtyre ndërmarrjeve progresive, duke dëshmuar drejtpërdrejt punën e jashtëzakonshme që po bëjnë. Gratë sipërmarrëse kanë shfrytëzuar grantet për të blerë pajisje moderne dhe për të ngritur nivelin e bizneseve të tyre.
Gjithashtu, Derguti ka shprehur angazhimin e tij, të palëkundur për mbështetjen dhe ngritjen e vazhdueshme të këtyre ndërmarrjeve, duke u siguruar që ato të kenë çdo mundësi për biznes.
Kjo nismë transformuese përputhet me vizionin e Kryetarit të Komunës, Agim Aliu për të nxitur rritjen e grave në ndërmarrësi. Platforma në vazhdim synon të krijojë një mjedis ku gratë mund të lulëzojnë në botën e biznesit dhe këto grante janë një hap i rëndësishëm drejt këtij qëllimi.
Në listën e grave përfituese te grandeve qe u vizituan nga drejtori Derguti janë: Ibadete Ibrahimi, Trëndelina Musa Haziri, Anjeza Hamiti, Ganimete Ahmeti, Rifadije Krasniqi Imeri, Sanije Syla, Ajshe Shabani, Fatlume Krosa, Fifa Selimi dhe Safete Hasani.
Vendosmëria dhe përkushtimi i tyre shërbejnë si frymëzim për të tjerët, dhe përmes nismave të tilla ne ndërtojmë një shoqëri më të drejtë dhe më të begatë./InLajmi
