Reagime kanë ardhur edhe nga kryetari i Lidhjes Demokratike të Kosovës Lumir Abdixhiku në lidhje me vendimin e MINT, duke thënë se mbyllje e Klan Kosovës është sulm i një pushteti autoritar ndaj fjalës së lirë. Është sulm i paranojës propagandistike ndaj vet demokracisë, përcjell InLajmi.
Abdixhiku tha se ky pushtet do krizë dhe frikë, ku në këtë betejë të paprecedentë nuk është vetëm një televizion, por të gjitha mediat, gazetarët e promovuesit e fjalës së lirë.
Kreu i LDK-së tha se urdhëdhënësit e PolitByrosë nuk e mundin dot demokracinë kosovare, dhe se ekzekutuesit e këtyre urdhrave brenda institucioneve të shtetit, do të mbahen përgjegjës para ligjit herët apo vonë.
Tutje Abdixhiku u shpreh duke thënë se pushtetet janë të përkohshme ndërsa shteti mbetet i përhershëm.
Postimi i plotë i tij:
Mbyllja e Klan Kosovës është sulm i një pushteti autoritar ndaj fjalës së lirë. Është sulm i paranojës propagandistike ndaj vet demokracisë.
Ky pushtet do krizë. Ky pushtet do frikë.
Në këtë betejë, të paprecedentë, nuk është vetëm një televizion. Janë të gjitha mediat, gazetarët e promovuesit e fjalës së lirë. Jemi të gjithë, individualisht e kolektivisht. Prandaj dhe në këtë përballje do të jemi bashkë të gjithë.
Fjala e lirë do të triumfojë.
Urdhërat e PolitByrosë nuk e mundin dot demokracinë kosovare. Shoqëria kosovare ka triumfuar dhe në përballje më të rënda. Do ta kapërcejë dhe këtë.
Ftoj organet e drejtësisë, gjykatat e Republikës, të bëjnë detyrën e vet. Të mbrojnë vet demokracinë.
Urdhërdhënësit e PolitByrosë dhe ekzekutuesit e këtyre urdhrave brenda institucioneve të shtetit, do të mbahen përgjegjës para ligjit herët apo vonë. Pushtetet janë të përkohshme, shteti mbetet i përhershëm./InLajmi/
