Politikania kosovare Rada Trajkoviq, vlerëson se serbët në veri duke refuzuar të pranojnë policë serbë nga pjesët tjera të Kosovës, po e forcojnë argumentin se si komunitet nuk e përkrahin sundimin e ligjit,transmeton InLajmi.
Ajo shprehet se një sjellje e tillë është e rrezikshme.
“Veriu duhet të ketë një forcë policore që pasqyron përbërjen etnike të komunitetit shumicë në mënyrë që të zbatojë në mënyrë efektive ligjin.” Serbët që punojnë në policinë e Kosovës nuk janë më pak serbë se vëllezërit e tyre në veri dhe ata duhet të pranohen si vëllezër. “Nëse veriu mund të toleronte për vite me radhë pushtetarët “e tij” vendas që persekutonin disidentët në mënyrë të papërgjegjshme (dhe deri në shfarosje), çfarë i shqetëson ata te këta djem”, tha Trajkoviq.
Sipas saj, serbët në veri duhet të marrin një vendim të rëndësishëm për të ardhmen e tyre, duan të ndërtojnë jetë normale për veten e tyre në Kosovë apo vazhdojnë të ndjekin ata që i sollën në këtë situate”?, shkruan Danas.rs.
“Ata aktualisht kanë vëmendjen e bashkësisë ndërkombëtare dhe është e rëndësishme që më në fund ta përdorin atë vëmendje me mençuri dhe korrektësi”, tha Trajkoviq.
