Një anije kozmike e NASA-s ka realizuar një foto e cila ka ngjallur shumë diskutim mes shkencëtarëve në vitin 2020.
Një pikë ngjyrë neoni e shndritshme duket nga Jupiteri.
Teksa përfundoi fluturimin e tij të 31-të afër Jupiterit, Juno i NASA-s hasi në një vorbull pranë polit verior të planetit. JunoCam, i cili ishte 32.000 kilometra mbi majat e reve të Jupiterit, fotografoi vorbullën dhe një rruzull jeshil në të, për të cilin specialistët e NASA-s kanë konfirmuar se është rrufe.
Vetëm në vitin 2022 imazhi magjepsës u përpunua nga Kevin M. Gill. Dhe së fundmi, NASA zbuloi se orbitat e Junos do ta vendosnin atë afër, duke rritur shanset për të kapur rrufenë e Jupiterit në kamerë.
Rrufetë e gjelbra ndodhin edhe këtu në Tokë, por ne nuk mund t’i shohim shpesh pasi zakonisht qëndrojnë të fshehura në re.
Megjithatë, rrufeja e Jupiterit është e ndryshme nga ajo që ndodh në planetin tonë, sipas NASA-s, shkruan TopChannel.
Ndërsa në Tokë, rrufetë rrjedhin nga retë e ujit dhe janë më të shpeshta pranë Ekuatorit, në Jupiter, fenomeni e ka origjinën në retë që përmbajnë një tretësirë uji-amoniak dhe mund të shihet më shpesh pranë poleve.
