Kryetari i Komisionit të Qeverisë së Serbisë për Persona të Zhdukur, Veljko Odaloviq, tha sot për Radio Televizionin e Serbisë se Albin Kurti tani është problem për bashkësinë ndërkombëtare dhe partitë politike të shqiptarëve të Kosovës, duke treguar se Evropa është e pafuqishme për ta detyruar Prishtinën për të bërë atë që ka nënshkruar, transmeton InLajmi.
Duke folur për atë që i intereson Kurtit, Odaloviq tha se kryeministri i Kosovës po përpiqet “të na marrë një pjesë të territorit dhe ky është qëllimi i tij kryesor”.
“Kurti ka problem në skenën e brendshme me të gjithë, ka problem me Bashkimin Evropian (BE) dhe Shtetet e Bashkuara të Amerikës (SHBA), si dhe me serbët në veri”, vlerësoi Odaloviq.
Në Kosovë nuk ka asnjë incident të shkaktuar nga serbët, theksoi ai dhe shtoi se Kurti duhet të tërheqë njësitë speciale dhe kryetarët e komunave nga veriu dhe të shpall zgjedhje të reja.
Kurti është i fiksuar pas veriut të Kosovës, nuk do të mund të zgjasë shumë”. Ai do të duhet të formojë Asociacionin e Komunave Serbe, përfundoi Odaloviq.
