Milan Radonjiq, gazetar i së përjavshmes NIN, tha se sipas vlerësimeve Serbia, nëse i besohet presidenti Aleksandar Vuçiq, ka investuar më shumë se 8 miliardë dollarë në Kosovë në 11 vitet e fundit. Shumica e projekteve janë të papërfunduara dhe nuk ka një pasqyrë të qartë se si janë shpenzuar paratë. Ministria e Financave nuk iu përgjigj pyetjeve të gazetarëve të NIN, trasmeton InLajmi.
Radonjiq ka sqaruar se presidenti Vuçiq vitin e kaluar ka paraqitur informacionin se Serbia investon në vit 800 milionë euro në Kosovë, por ministria kompetente nuk iu është përgjigjur kërkesave të gazetarëve për të dhënë të dhëna zyrtare për këtë.
“Më kujtohen vitet e 90-ta kur serbët nga Kosova protestonin para Presidencës së Republikës, ishte një keqpërdorim nga disa njerëz që kishin marrë para. Pra, e gjithë kjo histori ka vazhduar për më shumë se 2 dekada, dhe shifra që kemi janë një përafrim i asaj shume, sepse nuk mund të marrësh asgjë tjetër. Është bërë e zakonshme që punët, tenderët dhe pagesat merren në bazë të marrëveshjeve verbale”, tha Radonjiq për N1.
Ndryshe kujtojmë se Serbia çdo vit ndanë miliona euro për komunat me shumicë serbe në Kosovë,/InLajmi.
