Kryetari i Zveçanit, Ilir Peci dhe ai i Drenasit, Ramiz Lladrovci kanë nënshkruar Marrëveshjen e Bashkëpunimit ndërmjet 2 komunave, përcjell InLajmi
Peci ka treguar se qëllimi i bashkëpunimit është ofrimi i shërbimeve nga ana e komunës se Drenasit për nevojat e komunës së Zveçanit, si ofrimi i shërbimeve për sektorët Buxhet, Financa dhe Administratë të pergjithshme, Fushën e Prokurimit dhe Menaxhimin e Burimeve Njerëzore.
Postimi i plotë i tij:
Të dashur qytetarë,
Sot, ishte një ditë e veçantë për Komunen e Zveçanit së bashku me një pjesë të stafit takova kryetarin e komunës se Drenasit z.Ramiz Lladrovci, ku nënshkruam Marrëveshjen e Bashkëpunimit ndërmjet komunës se Drenasit dhe Zveçanit, në bazë të Ligjit për Vetëqeverisje Lokale, Ligjin për bashkëpunimin ndër komunal dhe ligjin për Arbitrazhin.
Qellimi i bashkëpunimit është ofrimi i shërbimeve nga ana e komunës se Drenasit për nevojat e komunës së Zveçanit, si ofrimi i shërbimeve për sektorët Buxhet, Financa dhe Administratë të pergjithshme, Fushën e Prokurimit dhe Menaxhimin e Burimeve Njerëzore.
Me këtë rast, i shpreha mirënjohje të thellë për bashkëpunimin e ngushtë ndër komunal dhe përkrahjen e vazhdushme nga kryetari z.Lladrovci
Na shkoftë mbarë!
Sinqerisht,
Kryetari i Zveçanit /InLajmi/
