Selatin Novosella, bashkëpunëtor shumëvjeçar i Adem Demaçit, ka rrëfyer të mërkurën për një rast në vitin 2011 kur veprimtari dhe intelektuali që vdiq 5 vjet më parë i kishte kërkuar tani kryeministrit të Kosovës, Albin Kurti që ta mbështeste në Kuvend për t’u bërë president.
“Adem Demaçi me Albin Kurtin që kjo është e vërtetë kur është shtruar pyetja po-jo, që kanë dashur ta bëjnë president – dihet kush e pse, s’ka kurrfarë sekreti tash, në momentin e fundit është biseduar me Albinin. Adem Demaçi thotë ‘pasha bacën s’kemi nevojë me e zgjatë muhabetin, nëse jeni për t’u bë president, që s’po më vyen kurrgjë hiç – kështu i ka thënë – votat i qitni, jo-jo, po e mbulojmë”, rrëfeu Selatin Novosella.
Sipas tij, Kurti i kishte thënë se do ta votonin, por pa Hashim Thaçin kryeministër.
“Thotë (Kurti) ‘bac na votat i qesim edhe kemi qejf shumë me u bë president i Kosovës, por pa e propozu Hashim Thaçin kryeministër. Po t’i hajgare thotë je kah bën a? (Demaçi). Forca kryesore është, votat ma së shumti i kanë ata dhe faktikisht strukturat kryesore sot janë me PDK-në dhe Hashim Thaçin. Unë s’jam ardhë me bë politikë’. E atëherë thotë unë votën nuk e qes (Kurti)”, tregoi Novosella për T7
“Po të ishin bashku votat e Vetëvendosjes me PDK-në e të tjerët, Adem Demaçi do të ishte bërë president”, tha ai.
