Kryeministri i Republikës së Kosovës, Albin Kurti tha veprimtari dhe intelektuali Adem Demaçi, mbetet njeri i jashtëzakonshëm dhe unik i popullit shqiptar, raporton InLajmi.
“Vendosëm lule të freskëta te varri i veprimtarit Adem Demaçi, jemi këtu në përkujtim të njeriut të jashtëzakonshëm dhe unik të populli shqiptar”, deklaroi ai
Kurti pas homazheve te varri i Demaçit në 5 vjetorin e vdekjes, pohoi se të gjithë janë krenarë që e njohën e që punuan me bacën Adem.
“Sigurisht që kemi pikëllim dhe mallëngjim që nuk e kemi më bacën Adem, dhe jemi krenarë që e patëm dhe e njohëm e që punuam dhe mësuam prej tij. Udhëzimet e tij na mbushin me përgjegjësi dhe vetëbesim”, shtoi ai.
Demaçi ishte veprimtar për kauzën kombëtare në kohën e Jugosllavisë dhe luftonte për barazinë e Kosovës me republikat tjera. /InLajmi/
