Kryetari i Partisë Demokratike të Kosovës Memli Krasniqi, këtë të martë ka vizituar Odën Ekonomike të Kosovës ku ka takuar Lulzim Rafunën me të cilin kanë diskutuar rreth sfidave me të cilat po ballafaqohet sektori privat në Kosovë, përcjell InLajmi.
Krasniqi tha se nuk mund të ketë zhvillim ekonomik të vendit pa një sektor privat të fuqishëm, prandaj ky sektor duhet të shihet si partner i rëndësishëm i shtetit drejt fuqizimit të vendit.
Kreu i PDK-së tha se kryetarit Rafuna i shprehu qëndrim e partisë së sij se është e papranueshme qasja e gabuar e kësaj Qeverie ndaj bizneseve, e cila, përmes masave të saj, po i ndëshkon dhe penalizon ato në aktivitetin e tyre të përditshëm.
Tutje ai tha se Oda Ekonomike e Kosovës është duke bërë një punë të mirë në përfaqësimin dhe mbrojtjen e interesave të bizneseve, krahas promovimit që po i bën ambientit afarist në Kosovë, përkundër sfidave aktuale.
Postimi i plotë i tij:
Sot, në Odën Ekonomike të Kosovës takova kryetarin Lulzim Rafuna, me të cilin diskutuam rreth sfidave me të cilat ballafaqohet sektori privat në Kosovë.
Nuk mund të ketë zhvillim ekonomik të vendit pa një sektor privat të fuqishëm, prandaj, ky sektor, para se gjithash, duhet të shihet si partner i rëndësishëm i shtetit drejt fuqizimit të vendit.
Kryetarit Rafuna i shpreha qëndrimin se, për PDK-në, është e papranueshme qasja e gabuar e kësaj Qeverie ndaj bizneseve, e cila, përmes masave të saj, po i ndëshkon dhe penalizon ato në aktivitetin e tyre të përditshëm.
Oda Ekonomike e Kosovës është duke bërë një punë të mirë në përfaqësimin dhe mbrojtjen e interesave të bizneseve, krahas promovimit që po i bën ambientit afarist në Kosovë, përkundër sfidave aktuale/InLajmi/
