Programi i Kombeve të Bashkuara për Zhvillim (UNDP) në Kosovë ka lansuar edicion e 24-të të Përmbledhjes së Pulsit Publik, sipas të cilit vërehet rritje e gatishmërisë së qytetarëve, për të protestuar për arsye politike.
Sipas Pulsit Publik, një numër dukshëm më i lartë i të anketuarve ishin të gatshëm të protestonin për arsye politike në prill 2023 37.6% , krahasuar me nëntorin 2022 ku ishte 24.2 %
I njëjti numër i qytetarëve të gatshëm për të protestuar u regjistrua në prill 2022, 37.6%. Të dhënat e zbërthyera sipas përkatësisë etnike, treguan një rritje të gatishmërisë për të protestuar për arsye politike në mesin e të gjitha etnive, shkruan IndeksOnline
Rritja më e madhe e gatishmërisë për të protestuar ishte te serbët e Kosovës me 40.5%, krahasuar me 11 % në nëntor 2022.
