Programi i Kombeve të Bashkuara për Zhvillim (UNDP) në Kosovë ka lansuar edicion e 24-të të Përmbledhjes së Pulsit Publik, sipas të cilit vërehet rritje e kënaqshmërisë së qytetarëve, me punën e institucioneve qendrore.
Të dhënat nga anketa e opinionit e prillit 2023, tregojnë se ka ka një rritje të kënaqshmërisë prej 5.9 % me institucionet qendrore të Kosovës.
Sipas Pulsit Publik, kënaqshmëria me performancën e kabinetit ekzekutiv është 45.8% , duke shënuar një rritje prej 4.8% , krahasuar me nëntorin e vitit 2022 kur ishte 41 %.
Po ashtu sipas këtij raporti është rritur dhe kënaqshmëria me punën e kryeministrit, rritje kjo e cila është prej 6.6 % E po ashtu ka rritje të kënaqshmërisë dhe me punëne Kuvendit të Kosovës.
“Kënaqshmëria me punën e kryeministrit është prej 51.5 për qind duke treguar rritje për 6.6 pikë përqindje krahasuar me nëntorin 2022 që ishte 44.95 për qind. Kënaqshmëria me punën e Kuvendit kapi vlerën prej 46.5%, krahasuar me 39.1% në nëntor 2022, ndërsa kënaqshmëria me kryetarin e Kuvendit të Kosovës ishte 58.3%, krahasuar me 50.8% në nëntor 2022”, thuhet në raport, shkruan IndeksOnline
E rritje të kënaqshmërisë ka dhe me punën e presidentës.
