Një e 4 e refugjatëve të ardhur në Gjermani në vitin 2015 banojnë ende në strehimore refugjatësh.
Problemi i strehimit të refugjatëve dhe azilkërkuesve në Gjermaninuk po zgjidhet. Herë pas here, bashkitë që kanë pak ose aspak hapësirë për të akomoduar më shumë azilkërkues dhe refugjatë lufte nga Ukraina bëjnë thirrje për ndihmë. Shembulli më i fundit është distrikti i Fuldas në landin Hessen.
Qytetet dhe komunat janë “në kufij të kapaciteteve” akomoduese, shkruante Këshilli bashkiak në mes të korrikut në një letër drejtuar qeverisë së landit dhe qeverisë federale në Berlin.
“Ne kemi nevojë për një kufizim të fluksit,” shkruante kryetari i parlamentit të qarkut Bernd Ëoide (CDU). “Nuk mungojnë vetëm strehimoret, por edhe kapacitetet e tjera, si kopshtet, shkollat, kujdesi mjekësor dhe shumë fusha të tjera, janë gjithashtu të kufizuara.”
300.000 azilkërkues priten në vitin 2023
Ndërsa numri i ukrainasve që vijnë në Gjermani vjen duke rënë, numri i azilkërkuesve po rritet. Zyra Federale për Migracionin dhe Refugjatët numëroi më shumë se 162. 000 kërkesa për azil nga janari deri në qershor 2023. Shumica e tyre vijnë nga Siria (rreth 44. 000), pasuar nga Afganistani ( afro 28. 000) dhe Turqia (rreth 19. 000). Rreth 20 000 refugjatë të tjerë kanë ardhur nga vendet afrikane, sahkruan DFË
Si po i trajtojnë qytetet gjermane refugjatët e sapoardhur?
Për vitin 2023, Gjermania llogarit me rreth 300.000 azilkërkues, thotë Boris Kühn, ekspert migracioni në Universitetin e Hildesheimit. Ata shpërndahen në Gjermani sipas një çelësi të caktuar. Por shumica e strehimoreve janë të zëna dhe shpesh nuk ka vende të lira.
