Policia britanike tha se po heton një incident në stadiumin e Gateshead në veri të Britanisë, ku ndeshja miqësore që po luhej u braktis pasi një makinë funerali u braktis në mes të fushës nga të rinj të maskuar.
Pamjet ishin regjistruar nga të pranishmit që mbetën të shokuar nga ngjarjet e shpalosura.
Makina e funeralit bashkë me një veturë tjetër hynë papritur në fushë duke bërë kthesa rrethore në bar teksa fletushka me shkrime misterioze hidheshin nga dritaret e tyre në formën e një proteste.
Më pas të maskuarit dolën nga makina e funeralit dhe hynë në makinën e 2-të për të dalë nga fusha dhe nga stadiumi.
Në të tjera pamje shiheshin burrat që largoheshin nga stadiumi duke përplasur barrierat e sigurisë.
Ndeshja u detyrua të ndërpritej prej makinës së funeralit që u braktis në mesin e fushës së futbollit.
Pushtimi i fushës ndodhi në pushimin e ndeshjes para-sezonale ku skuadrat ishin në barazim 1-1.
Policia vendore tha se po heton ngjarjen ku një makinë funerali dhe një Subaru mësynë në fushë duke hedhur fletushka dhe më pas u larguan duke braktisur në fushë makinën e funeralit, shkruan TopChannel.
Ata shtonin se nuk kishte rrezik për anëtarë të tjerë të publikut.
https://twitter.com/____B17____/status/1682474280536121344?ref_src=twsrc%5Etfw%7Ctwcamp%5Etweetembed%7Ctwterm%5E1682474280536121344%7Ctwgr%5E0a2733f6e9d99c2185b120b82c58fe708861b2c7%7Ctwcon%5Es1_&ref_url=https%3A%2F%2Ftop-channel.tv%2F2023%2F07%2F22%2Fdy-makina-bastisin-fushen-e-futbollit-ne-britani-duke-bere-kthesa-ne-bar-e-leshuar-fletushka-proteste-video-foto%2F
