Kosova e ka shënuar fitoren e 2-të në Kampionatin Evropian, Divizioni C, që po zhvillohet në Prishtinë.
“Dardanët” e rinj edhe në sfidën e 2-të ishin dominues, ku kësaj radhe kanë mundur Gjibraltarin me shifrat 56:123 (7:22, 18:31, 10:32, 21:38).
Vetëm 5 minutat e parë ishin të barabartë, ku më pas Dardanët shkëlqyen deri në fund, duke dominuar totalisht ndaj kundërshtarit, si në mbrojtje ashtu edhe në sulm.
I jashtëzakonshëm në këtë përballje ishte Lis Binishi me 43 pikë, 13 kërcime e 9 asistime, si dhe 4 topa të vjedhur, ndërsa Anes Krasniqi shtoi 23 pikë.
Kjo ishte fitorja e 2-të për Kosovën U16, pas asaj ndaj Maltës, ndërsa sfidën e fundit në grupe e ka ndaj Andorrës, të hënën mbrëma, shkruan RTK.
Gjatë ditës së 3-të, Andorra mundi Maltën 98:57, Azerbajxhani mposhti Armeninë 92:58 dhe Qipro shënoi fitore kundër Shqipërisë 110:51.
