Kryeministri i Kosovës Albin Kurti, ka njoftuar se Gjenerallejtënant Bashkim Jashari ndodhet në SHBA në vizitë për 30-vjetorin e Programit të Partneritetit Shtetëror, përcjell InLajmi.
Kurti tha se Jashari është ftuar nga Gjeneral Daniel R. Hokanson, mes 800 liderësh ushtarakë, ku i cili përveç që mori pjesë Komandanti i FKS-së zhvilloi takime në 30 vjetorin e themelimit të Programit të Partneritetit Shtetëror, të Gardave Kombëtare.
Kreu i shtetit tha se Gjeneral Jashari takoi edhe Gjeneral Mark A. Milley, Shefin e Shtabit të Përbashkët, që iu adresua me fjalim të pranishmëve, me këtë rast, ai zhvilloi takime edhe me shumë krerë ushtarakë amerikanë dhe të ushtrive tjera aleate.
Tutje kryeministri shtoi duke thënë se Kosova po bëhet një partner i denjë për t’u konsoliduar mes aleancave me Shtetet e Bashkuara të Amerikës dhe NATO-n
Postimi i plotë i tij:
Gjenerallejtënant Bashkim Jashari, në vizitë në SHBA, në 30-vjetorin e Programit të Partneritetit Shtetëror.
I ftuar nga Gjeneral Daniel R. Hokanson, mes 800 liderësh ushtarakë, Komandanti i FSK-së Gjeneral Bashkim Jashari mori pjesë dhe zhvilloi takime në 30 vjetorin e themelimit të Programit të Partneritetit Shtetëror (State Partnership Program – SPP), të Gardave Kombëtare. Nën shoqërimin e Gjeneral Stephen Osbornit nga Garda Kombëtare e Iowas, Gjeneral Jashari e takoi edhe Gjeneral Mark A. Milley, Shefin e Shtabit të Përbashkët, që iu adresua me fjalim të pranishmëve. Me këtë rast, Gjeneral Bashkim Jashari zhvilloi takime edhe me shumë krerë ushtarakë amerikanë dhe të ushtrive tjera aleate. Teksa po rrisim përmasën, shtojmë aftësitë dhe ngrejmë kapacitetet tona ushtarake, Kosova po bëhet një partner i denjë për t’u konsoliduar mes aleancave me Shtetet e Bashkuara të Amerikës dhe NATO-n/InLajmi/
