Kryeministri i Kosovës, Albin Kurti, gjatë fjalës së tij në takimin e Grupit Koordinues për anëtarësimin e Republikës së Kosovës në Këshillin e Evropës, tha se Republika e Kosovës e ka vendin në Këshillin e Evropës pasi është ndërtuar në vlerat evropiane dhe në respektim të pakicave, raporton InLajmi.
Ndërsa foli për konsolidimin e shtetit të Kosovës mbi vlerat evropiane, shefi i ekzekutivit të vendit tha se anëtarësimi i Kosovës në KiE, pëvreçse është meritor mundëson qasjen në gjykatën ndërkombëtare për të drejtat njeriut dhe kjo forcon edhe më shumë mbrojtjen e qytetarëve tanë pa dallim.
Tutje, theksoi kryeministri Kurti se Kosova i ka plotësuar edhe kërkesat ligjore për t’u bërë anëtare e Këshillit të Evropës.
“Si organizata më e vjetër Këshilli i Evropës sikurse shteti ynë mishërojnë vlerat në të drejtat e njeriut. Republika e Kosovës është ndërtuar në vlerat e Këshillit të Evropës si dhe të drejtat e komuniteteve pakicë natyrshëm e ka vendin në këtë organizatë. Kjo mundëson qasjen në gjykatën kjo forcon edhe më shumë mbrojtjen e qytetarëve tanë pa dallim. Republika e Kosovës ka plotësuar edhe kërkesat ligjore për t’u bërë anëtare e Këshillit të Evropës”, tha kryeministri Kurti.
Nga ana tjetër zëvendëskryeministrja, Donika Gërvalla, tha se kjo anëtarësimi i Kosovës në Këshillin e Evropës është marrë me seriozitet dhe është punuar me intensitet të shtuar e profesionalizëm
“Falë angazhimit të zëvendësministrit Kreshnik Ahmeti jam shumë e bindur se proceset do të kishin zgjatur më shumë. Është marrë në mënyrë intenzive me anëtarësim në Këshill të Evropës duke dëshmuar një seriozitet dhe profesionalizëm të jashtëzakonshëm”, theksoi kryediplomatja.
Ndërkohë vuri në theks se tash e tutje gjithçka varet nga bashkrendimi i grupit për ecurin e procesit të anëtarësimit.
“Tani që ka kaluar faza e parë, gjithçka do të varët nga bashkërendimi i këtij grupi, prandaj uroj që në institucionet që ju punoni të luftoni në emër të Kosovës që proceset që varën nga institucionet tuaja të ecin sa më shpejtë sepse nga bashkërendimi juaj do të varet edhe ritmi me të cilin ne do të anëtarësohemi në Këshillin e Evropës sa më shpejt”, tha Gërvalla./InLajmi/
