Nëse Serbia dëshiron anëtarësim në BE, Senatori amerikan Chris Murphy tha se nëse Serbia dëshiron vërtet një të ardhme evropiane, nuk mund të ketë një shef të inteligjencës që komunikon hapur me Rusinë, transmeton InLajmi.
“Do të doja që presidenti serb Aleksandar Vuçiq të shihte se sa i rrezikshëm është kreu i Agjencisë së Sigurisë dhe Informacionit Aleksandar Vulin. Nëse Serbia vërtet dëshiron të ketë një të ardhme evropiane, nuk mund të ketë një shef të inteligjencës që koordinohet hapur me rusët”, tha Murphy për Zërin e Amerikës.
Senatori shtoi se SHBA-ja ia ka bërë të qartë, jo vetëm Serbisë, por të gjithë miqve amerikanë, se do të ketë pasoja nëse ato vende vendosin të mos i bashkohen sanksioneve dhe përfshihen në aktivitete sekrete me rusët.
Murphy komentoi sanksionet e vendosura ndaj Vulinit nga autoritetet amerikane.
“Vulin është një nga zyrtarët e autoriteteve serbe që promovon në publik pikëpamjet pro-ruse dhe që nga fillimi i agresionit rus kundër Ukrainës, ai ka udhëtuar të paktën 2 herë në Moskë, ku është takuar me zyrtarë rusë”
“Ne duam që Serbia të jetë pjesë e lëvizjes euroatlantike, që e ardhmja e saj të jetë në Evropë. Ne mendojmë se është në interesin e saj më të mirë t’i dërgojë një mesazh të qartë Rusisë se pushtimi i Ukrainës nuk mund të tolerohet. Shpresoj që Vuçiq të shohë se Vulin kërcënon përpjekjet e tij për të ndërtuar miqësi me Evropën dhe SHBA-në”, tha ai në Marfy.
Senatori, tha se është e rëndësishme të qetësohet tensioni ndërmjet Beogradit dhe Prishtinës, përshëndeti takimin e mbajtur dje në Bruksel ndërmjet krerëve të ekipeve negociatore të Serbisë dhe Kosovës, Petar Petkoviq dhe Besnik Bislimi me të dërguarin e Bashkimit Evropian për dialogun Kosovë-Serbi, Miroslav Lajçak, shkruan nova.rs.
“Thelbi është shmangia e dhunës dhe këtu ti kthehen obligimeve të ndërmarra nga Qeveria e Kosovës dhe të përpiqet t’i përmbahet dispozitave të marrëveshjes. Aleksandër Vuçiq e Albin Kurti të vazhdojnë të len në tavolinë e të vazhdojnë dialogun”, tha Murphy.
