Kryetari i Partisë Demokratike të Kosovës Memli Krasniqi këtë të enjte ka takuar ambasadorin e SHBA-së në Kosovë Jeffrey Hovenier, me të cilin diskutuan për situatën aktuale politike, qëndrimet e PDK-së sikur edhe nevojën për veprim drejt rikthimit të Kosovës në kursin pa alternativë euro-atlantik përcjell InLajmi.
Krasniqi, ka shprehur kritika në adresë të qeverisjes, ndërsa tha ai se për PDK-në veprimet e njëanshme dhe të pakoordinuara të Qeverisë së Kosovës, përveç sanksioneve nga partnerët kryesorë ndërkombëtar, janë tërësisht të papranueshme e të cilat i sollën Kosovës edhe dëmtimit të progresit dhe imazhit të vendit.
Kreu i PDK-së para ambasadorit Hovenierit është shprehur se Kosova nuk mund të vuaj masa ndëshkuese për shkak të kryeneçësisë politike të një individi.
Tutje Krasniqi tha se partia e tij vlerëson se Qeveria Kurti e ka humbur rrugën e duhur, dhe njëkohësisht edhe kredibilitetin e saj prandaj, zgjedhjet e parakohshme janë alternativa e vetme.
Ai gjithashtu e falënderoi ambasadorin amerikan për përkushtimin e tij në interes të shtetit të Kosovës dhe qytetarëve të saj.
Për më tepër Krasniqi ka siguruar ambasadorin amerikan se PDK do të angazhohet fuqishëm që përmes të gjitha mjeteve demokratike, të luaj rrolin e saj konstruktiv në shërbim të këtij interesi.
Postimi i plotë i tij:
Sot, në selinë e PDK-së, kam pritur ambasadorin e SHBA-së në Kosovë, Jeffrey Hovenier. Situata aktuale politike, qëndrimet e PDK-së në raport me to dhe veprimet e nevojshme përpara, drejt rikthimit të Kosovës në kursin pa alternativë euro-atlantik, ishin tema të diskutimit tonë.
Për PDK-në, siç kemi thënë nga fillimi, veprimet e njëanshme dhe të pakoordinuara të Qeverisë së Kosovës, të cilat përtej dëmtimit të progresit dhe imazhit të vendit, i sollën Kosovës edhe sanksione nga partnerët kryesorë ndërkombetarë, janë tërësisht të papranueshme.
Ky nuk është vullneti i qytetarëve dhe ajo për të cilën ata kanë votuar, rrjedhimisht, Ambasadorit amerikan i shpreha qëndrimin që Kosova të mos vuaj masa ndëshkuese për shkak të kryeneçësisë politike të një individi.
PDK vlerëson se kjo Qeveri e ka humbur rrugën e duhur, njëkohësisht edhe kredibilitetin e saj, prandaj, zgjedhjet e parakohëshme janë alternativa e vetme.
Ambasadorin amerikan e falënderova për përkushtimin e tij të jashtëzakonshëm në interes të shtetit dhe qytetarëve tanë dhe e sigurova se PDK do të angazhohet fuqishëm që përmes të gjitha mjeteve demokratike, të luaj rrolin e saj konstruktiv në shërbim të këtij interesi/InLajmi/
