Avokati Besnik Berisha, në një konferencë për media ka folur rreth arrestimit të tij javën e kaluar, ndërsa është shprehur se Prokuroria Themelore në Ferizaj ka shkelur ligjin me rastin e arrestimit tim, raporton InLajmi.
Tutje ka shtuar Berisha tha se prokurori Rasim Maloku ka inate personale me të, ndërsa në rastin tjetër kërkesa e tij për seancë të hapur dëgjimore nuk iu pranua.
Ai gjithashtu bëri të ditur se prokurori i ka keqpërdorur një deklaratë të prindit të klientit të tij.
Berisha tha se prokurori Maloku ka kamufluar me deklaratën e dëshmitarit Kajtaz Sinani.
“Ai u detyrua me insistimin tonë që të lexonte deklaratat mbi të cilat mbështeste dyshimin e bazuar dhe jam tmerruar kur e kam dëgjuar duke lexuar deklaratën e një burri si Kajtaz Sinani, të cilën aq keq e kishte kamufluar dhe kishte vënë trillimet e tij. Ky është krimi që e ka bërë Rasimi. Deklaratën e një njeriu që e thotë të vërtetën, e kamuflon dhe thotë që gjatë muajve tetor-dhjetor Besnik Berisha ka kërkuar x-y shume për të ndikuar në vendimmarrje juridike”, është shprehur Berisha.
Avokati vazhdoi me kritikat ndaj veprimeve të prokurorit për çka tha ai se “Prokurori është dashur që së paku ta gjej një provë, një dëshmitar që Besnik Berisha ka kërkuar ndonjë ryshfet. Meqenëse kjo nuk ka ndodhur dhe ai e lexoi mbi atë që është bazuar dhe unë jam befasuar me atë që e ka lexuar”.
“Prokurori nuk kishte autorizime për t’më arrestuar mua, prokurori ka manipuluar me prova”, u shpreh ai. Unë kam kërkuar të përballem me provat, prokurori u arsyetua se nuk i ka me vete. Unë ja kam përmend urdhërat nga pushteti, i kam thënë unë jam arrestuar për shkak të fjalës sime në televezion… Prokurorit ja kam bo me dije që unë marrë veprime të ligjshme… Unë e kuptova që jam para tij për shkak të inateve personale, kritikave të mia publike për ministren për prokurorin”, deklaroi avokati Berisha./InLajmi/
