Deputeti nga radhët e Lidhjes Demokratike të Kosovës Armend Zemaj ka deklaruar se është Kryeministri, Albin Kurti ai i cili po e përjashton Kosovën nga pjesa e integrimit evropian.
Ai ka deklaruar se kjo pjesë shihet tek vendosja e sanksioneve ndaj Kosovës pas arriturave të saj
“Po shihet botërisht që Albin Kurti nuk e bën dot Kosovën shtet evropian. E përjashton nga kjo pjesë në shumë segmente të saj. Ai edhe grupi i tij ideologjik mendoj që janë duke i bërë dëmin rrugës euro-atlantike Kosovës, po shhet pjesa e gjithë sanksioneve pas gjithë atyre të arriturave”, ka deklaruar ai.
Ndryshe, Zemaj deklaroi se dhuna e përdorur në seancën plenare të Kuvendit të Kosovës është një mjet që duhet dënuar dhe jo vetëm në Kuvend.
Ai cilësoi qeverinë Kurti si të vetmen që përdor një sjellje të pahijshme ndaj deputetëve të Kuvend, shkruan TV Dukagjini
Megjithatë, edhe LDK u kritikua për mos-opozitarizëm nga ana e analistit, Astrit Gashi dhe jo vetëm. Analisti Dibran Hoxha deklaroi se ishte edhe Kujtim Shala nga radhët e LDK-së gjuha joparlamentare e së cilit ishte dëgjuar në njërën nga seancat e Kuvendit të Kosovës.
