Sekretari Shtetëror i Ministrisë së Mbrojtjes së Serbisë Nemanja Staroviq, të marten duke u ndërlidh me rastin e blerjes së Dronëve nga qeveria e Kosovës, tha se disa vende, dhe mbi të gjitha, me theks Turqia, po punojnë intensivisht në armatosjen, stërvitjen, përgjithësisht në trajnimin Forcës së Sigurisë së Kosovës”, e që sipas tij kjo është në kundërshtim me Rezolutën 1244 të Këshillit të Sigurimit të OKB-së dhe marrëveshjet e tjera relevante ndërkombëtare, transmeton InLajmi.
Ai tha për Radio Televizionin e Serbisë se agjencitë tona kompetente po e ndjekin me kujdes dhe po e informojnë udhëheqjen shtetërore për atë që po ndodh, kështu që Serbia përmes të gjitha kanaleve në dispozicion i “paralajmëroi” përfaqësuesit e Turqisë “dhurimi” i atyre armëve për Kosovën është “absolutisht e papranueshme”.
“Kryeministri i Kosovës Albin Kurti i prezantoi publikisht dronët dhe të gjithë janë të vetëdijshëm për faktin se Turqia me donacionet e saj të armëve sulmuese po rrit kapacitetet e forcave të Kosovës. Fatkeqësisht, nuk bëhet fjalë vetëm për dronë, por edhe për armë shumë të sofistikuara antitank, mortaja dhe armë të tjera”, tha Staroviq.
Ai tha se kjo “ngre nivelin e rrezikut dhe kërcënimeve, para së gjithash, ndaj popullatës serbe në Kosovë, por edhe ndaj Serbisë në tërësi”, duke shtuar se “kjo nuk është shkak për panik, ne kemi përgjigje për të gjitha këto dhe do t’i kemi së shpejti”.
“Është veçanërisht shqetësuese sepse Turqia do të marrë komandën e KFOR-it në vjeshtë, për herë të parë që nga themelimi i këtij misioni. Kjo nuk është mirë, nuk mund të ndikojmë në atë vendim sepse është ekskluzivisht në kompetencë e aleancës së NATO-s”, tha Staroviq.
Ai deklaroi se emërimi i një gjenerali nga Turqia si komandant i KFOR-it sjell “sfida shtesë”/InLajmi
