3 persona janë lënduar në Prishtinë, saktësisht te rruga “Ibrahim Lutfiu” pas një përleshjeje fizike, përcjell InLajmi
Lajmin për gazetën InLajmi e kanë konfirmuar nga Policia e Kosovës ku treguan se njëri prej tyre është shoqëruar në Polici.
Më tej nga policia u bë e ditur se përleshja ka ndodhur rreth orës 20:00, të martën, ndërkaq motivet nuk dihen.
Njoftimi i plotë nga Policia e Kosovës:
Sot rreth orës 20:00, policia ka marrë informatën për një përleshje fizike në rrugën ”Ibrahim Lutfiu” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se gjatë përleshjes, janë lënduar 3 persona, njëri prej tyre është shoqëruar në stacion policor. Në vendin e ngjarjes policia ka gjetë një armë zjarri dhe po kryen procedurat e sekuestrimit. Aktualisht hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit /InLajmi/
