Ministria e Shëndetësisë ua rikujton qytetarëve se personat e moshuar dhe ata me sëmundje kronike nuk duhet të ekspozohen në rrezet e diellit në intervalin kohor prej orës 10:00-17:00, përcjell InLajmi
Për shkak se vendi po përballet me temperatura të larta, MSh bën të ditur se duke u ekspozuar në diell “mund të pësojmë goditje nga vapa që shkakton dehidrim të organizmit i cili manifestohet me ngërçe, vjellje, çrregullime diarreike, skuqje dhe djegie të lëkurës duke komplikuar sistemin kardiovaskular deri në insufiçiencë renale
Prandaj ministria bën thirrje për kujdes dhe tregon masat që ndihmojnë për t’i përballuar temperaturat e larta.
Njoftimi i plotë nga Ministria e Shëndetësisë:
QYTETARË TË DASHUR!
KUJDES NGA TEMPERATURAT E LARTA!
Duke u ekspozuar në diell mund të pësojmë goditje nga vapa që shkakton dehidrim të organizmit i cili manifestohet me ngërçe, vjellje, çrregullime diarreike, skuqje dhe djegie të lëkurës duke komplikuar sistemin kardiovaskular deri në insufiçiencë renale (dëmtim i veshkëve).
Masat e rekomanduara mbrojtëse për shëndetin gjatë ekspozimit ndaj temperaturave të larta të ajrit mbi 30°C janë:
Personat e moshuar dhe ata me sëmundje kronike nuk duhet të ekspozohen në rrezet e diellit në intervalin kohor prej orës 10:00-17:00.
Kujdesi gjatë temperaturave të larta:
🥤Mbani trupin tuaj të freskët dhe të hidratuar;
👕Vishni veshje të lehta dhe të gjera;
🛁Bëni dush të freskët;
💧Pini shumë ujë;
☕Shmangni pijet me sheqer, alkoolike dhe me kafeinë;
🏡Mbani shtëpinë tuaj të freskët:
🪟 Hapni dritaret natën;
💡Reduktoni përdorimin e pajisjeve elektrike.
🌳Qëndroni në hije.
🧑🔧Shmangni aktivitetin fizik të mundimshëm gjatë temperaturava të larta;
🚗Mos i lëni fëmijët apo kafshët në makina të parkuara;
Nëse ju paraqiten simptoma si kokëdhembje, mundim, marramendje, tharje e gojës dhe lëkurës, lajmërohuni tek institucioni më i afërt shëndetësor! /InLajmi/
