Kushdo që qëndron pas publikimit të videos së bisedës së supozuar mes funksionarit të Listës Serbe, Slavko Simiq, dhe shefes së Grupit Parlamentar të Vetëvendosjes në Kuvendin e Kosovës, Mimoza Kusari-Lila, e ka bërë me sukses dhe shkëlqyeshëm, vlerëson analisti Dushan Janjiq, transmeton InLajmi.
“Ky është një proces i rëndësishëm politik që shënon fundin e politikës së reciprocitetit në të cilën Beogradi dhe Prishtina marrin pjesë së bashku duke ngritur tensionet nga barrikadat serbe deri në pushtimine veriut nga forcat speciale të Kosovës që do të mundësojë zbatimin e Marrëveshja e Ohrit. Efekti i menjëhershëm u pa, menjëherë në parlamentin e Kosovës shpërtheu një përleshje, në të cilën më së keqi kaloi Besnik Beslimi, të cilit iu prish reputacioni si kryenegociator në dialogun me Beogradin”, shpjegon Janjiq, duke shtuar se pamjet e publikuara duken autentike edhe pse thotë ai “ka 2 interpretime se si u shfaq në media”.
Janjiq, shton se “kryeministri i Kosovës, Albin Kurti, pretendon se Aleksandar Vuçiq e ka bërë përmes Slavko Simiqit, duke e përdorur videon si metodë të luftës propagandistike”
“Kushdo që e ka bërë këtë e di qartë situatën politike në shoqërinë shqiptare në Kosovë dhe krizën në të cilën është gjend Albin Kurti. Nuk besoj se Beogradi ka një pasqyrë më të thellë në marrëdhëniet dhe mundësitë mes shqiptarëve në Kosovë, edhe kur bëhet fjalë për shërbime, e aq më pak kur bëhet fjalë për politikanët. Teorikisht, regjistrimi mund të kishte ardhur nga Beogradi, por mund të ishte përgjuar ose dorëzuar. E gjithë kjo në fund e diskrediton Milan Radoiçiqin, nënkryetarin e Listës Serbe, që nuk besoj se i shkon për shtat Beogradit. Gjithsesi, gjithçka që ndodhi është në favor të amerikanëve, si mësim për ata që në mënyrë të ngathët përpiqen ta ndalin Marrëveshjen e Ohrit me përralla për demokracinë në Kosovë. Kjo është edhe një frymëerë politike për Partinë Demokratike të Kosovës në opozitë” , tha Janjiq për Danas.
Kujtojmë se regjistrimet e bisedës së supozuar mes Mimoza Kusarit Lila dhe Slavko Simiqit, e cila ka ndodhur në qershorin e kaluar, janë publikuar javën e kaluar nga gazetari i Kosovës Berat Buzhala, ish-deputeti i PDK-së në Kuvendin e Kosovës.
Ai deklaroi se bëhej fjalë për “biseda të thella, miqësore dhe lirisht të zhvilluara” ndërmjet zyrtarëve të SL-së dhe Vetëvendosjes, në të cilat temë kryesore ishte biznesmeni kontrovers Milan Radoiçiq.
Në atë bisedë, Simiq, ndër të tjera, pretendon se Radoiçiq është “koka” e Listës Serbe dhe përmend gjoja bisedat telefonike që ka pasur me të edhe Mimoza Kusari Lila/InLajmi
