Kryeministrja serbe, Ana Brnabiq, ka folur për situatën në veri, por edhe për përleshjen në Kuvendin e Kosovës, duke e cilësuar ngjarje katastrofike që siç u shpreh ajo “incidenti në fjalë mund të ndikojë në politikën edhe më radikale të kryeministrit të Kosovës Albin Kurti ndaj serbëve në Kosovë”, transmeton InLajmi.
Ajo është shprehet se ngjarja në Kuvendin e Kosovës do të sjell destabilizim të situatës.
“Kurti nuk është i interesuar të bëjë diçka specifike, është ideologjia, mbledhja e pikëve politike për retorikën e luftës, kam frikë se kjo që ndodh, sado që dikush nga këtu i pëlqen t’i shohë ato skena, ajo do të rezultojë në politikë edhe më radikale. Pyetja është se sa dëshiron të tolerojë Perëndimi”, u shpreh Brnabiq.
Ajo në emisionin Hit Tweet në TV Pink bëri të ditur se presidenti i Serbisë, Aleksandar Vuçiq, këtë javë do të shkojë në Bruksel dhe se do të vazhdojë luftën për ruajtjen e paqes.
Brnabiq nuk beson në planin e Kurtit për të deeskaluar situatën në veri të Kosovës.
Ajo konsideron se në qendrat perëndimore kanë shumë mirëkuptim ndaj Kurtit, gjë që për të është e pakuptueshme/InLajmi/
