Prezenca kulturore e Kosovës në skenën ndërkombëtare po lartësohet. Performanca magjepsëse “Shtegtim”, e realizuar në mënyrë të përsosur nga trupa e Baleti Kombëtar i Kosovës pas shfaqjeve në 2 qytetet italiane, Villapiana dhe Altomonte, ka siguruar 2 çmime, përcjell InLajmi
Balerinët Fatmir Smani dhe Aulonë Nuhiu u shpërblyen nga Festivali Ndërkombëtar ‘Fini Dance Festival’, në kategoritë ‘Kërcimtari më i mirë’ dhe ‘Kërcimtarja më e mirë’. Ky sukses është dëshmi e talentit, pasionit dhe punës së palodhur të balerinëve tanë.
Duke e njohur vlerën e arteve skenike në formësimin e identitetit tonë dhe nxitjen e diplomacisë kulturore, MKRS rikonfirmon mbështetetjen e saj për zhvillim të këtij sektori. /InLajmi/
