Lidhja Demokratike e Kosovës dhe Aleanca për Ardhmërinë e Kosovës po i konsiderojnë si të pa vërteta deklarimet e ministrit të Financave, Hekuran Murati, se 3 mujori i 2 i vitit 2023 ka shënuar nivelin prej 110 milionë euro investime kapitale.
Sipas tyre ai duke u munduar që ta paraqes vetën dhe Qeverinë si më të suksesshme, me këtë raport ka treguar se janë Qeveri me e dobët se e para 7 viteve.
Deputeti i LDK-së, Besian Mustafa, tha se ministri Murati, është munduar që 3 mujorin e 2 të këtij viti ta paraqes si të suksesshëm, duke mos e krahasuar edhe 3 mujorin e parë, ku sipas tij, nëse krahasohet gjashtë mujori i parë me vitet e kaluara janë më të larta se këtë vit.
“Fatkeqësisht ministri i Financave cili do të duhej që të ishte një ekspert të paktën i financave dhe i numrave, bëri një gabim bazik, elementar në kalkulimin e numrave, tentoj që 3 mujorin e 2 të këtij viti ta paraqes si të suksesshëm. Por kishte harruar që ti shihte dhe ti krahasonte edhe 3 mujorin e parë të këtij viti, duke përfshirë pra 6 mujorin e parë të këtij viti dhe ti krahasoj me vitet e kaluara. Nëse e shihini si të tillë, gjashtë mujori i parë i këtij viti në investimet kapitale sipas vetë raportit të ministrit të financave është diku rreth 150 milion euro. Por nëse e krahasoni po marr shembull me vitin 2017 investimet kapitale në 6 mujorin e parë të viti 2017 ishin 160 milion euro, pra ishin më të larta se sivjet, ndërsa në vitin 2018 ishin 182 milion euro”, tha ai.
Ai tha se ministri duke tentuar që ta paraqes vetën si të suksesshëm në realizimin e investimeve kapitale, por që ka bërë gabim trashanik, sepse ai me këtë ka treguar se është më i dobët se viti 2017 e 2018, në investime.
Deputetja e AAK-së, Time Kadrijaj, tha se në vend ka ngecje edhe sa i përket investimeve të huaja. Sipas saj, Qeveria është duke mashtruar me shifra dhe me rritje ekonomike.
“Kjo është Qeveri e mashtrimeve dhe po mashtrojnë edhe me shifra edhe me rritje ekonomike edhe me norma ekonomike. Sepse kur analistët e caktuar dhe kur ekspertët e kësaj lamie po e thonë po del krejt e kundërta, ata po mundohen me shifra sikurse në çdo dikaster edhe në këtë dikaster po merren me mashtrime dhe po mashtrojnë opinionin e gjerë, sepse nuk ka investime të huaja, sepse në një vend me krizë të tillë politike nuk vjen askush të investoj dhe kjo është e ngjitur nga Albin Kurti dhe LVV-ja”, tha ajo
Sipas deputetes Qeveria me krizën e krijuar në veri është duke u munduar që t’i minimizojë dëmet që i ka shkaktuar Kosovës me investime kapitale dhe me investimet e huaj.
“Nuk i kam parë këto shifra ende e do t’i studioj, nuk qëndron kjo e vrertët, sepse shqetësim për ne por edhe në takimet që i kemi pasur edhe me ambasadorët e vendeve të QUINT-it por edhe takime jashtë vendit kemi thënë që është shqetësues që niveli i investimeve të huaja në Kosovë ka rënë dukshëm sepse as ush nuk dëshiron në një vend ku shihet potencialisht që do të ketë krizë ose që do të ketë luftë. Kjo qeveri me këtë krizën që e ka krijuar po mundohet në këtë formë ti minimizojë dëmet që i ka shkaktuar vendit dhe shtetit qoftë me investime kapitale, qoftë me mos investime në arsim, shëndetësi, dhe në të gjitha dikasteret tjerë të vendit”, tha ajo, shkruan EO
Ministri i Financave, Hekuran Murati, përmes një deklarate në rrjetet sociale ka thënë se 3 mujori i 2 i vitit 2023 ka shënuar nivelin prej 110 milionë euro investime kapitale.
