Ministri i Punëve të Jashtme Ivica Daçiq thotë se sanksionet e vendosura nga SHBA ndaj drejtorit të Agjencisë për Siguri dhe Informacion (BIA) Aleksandar Vulin janë vendim ekskluzivisht i motivuar politikisht për shkak të marrëdhënieve të Serbisë me Rusinë, transmeton InLajmi.
“ Epo, edhe unë isha në listën e sanksioneve amerikane… Ato lista shërbejnë edhe për arritjen e qëllimeve të caktuara politike dhe është e qartë se kur është fjala për Vulinin, është një vendim ekskluzivisht politik i bazuar në marrëdhëniet me Rusinë”, u shpreh Daçiq.
Sipas tij, një vendim i tillë nuk është i mirë dhe i drejtë.
“Serbia nuk përmbush asnjë nga interesat e Rusisë dhe po të kishte vendosur sanksione ndaj Moskës tani, nuk do të kishte mundur t’i kërkonte asaj që të caktonte një seancë speciale të Këshillit të Sigurimit të Kombeve të Bashkuara” tha Daçiq.
Ne kemi nevojë për atë seancë që të dëgjohet zëri i Serbisë dhe bota të shohë situatën reale dhe atë që po ndodh në Kosovë, edhe pse nuk besoj se do të merret ndonjë vendim gjatë seancës.
Shefi i diplomacisë serbe vuri në dukje se tërheqja e 25% e forcave të Kosovës nga veriu i Kosovës është një “mashtrim për të mbuluar sytë” dhe synon të lërë ende të pazgjidhur burimin kryesor të tensioneve.
“Shtrohet pyetja nëse është teka e Kurtit, të jetë Zelenski i ri, ndoshta ai ëndërron luftën sepse e sheh si zgjidhje dhe rrumbullakësim të pavarësisë së Kosovës, apo të gjitha këto po i bën me mbështetjen e bashkësisë ndërkombëtare, e cila nuk po e dispilinon atë”, tha Daçiq në tv.Pink.rs.
Ai tha se në thelb nuk ka deeskalim dhe tërheqje të kryetarëve të komunave nga komunat në veri.
“Nuk ka deeskalim, tërheqje të kryetarëve të komunave nga komunat në veri dhe tërheqje të plotë të njësive speciale të policisë, tha Daçiq”./InLajmi/
