Kryesuesi i delegacionit në Asamblenë Parlamentare të NATO-s, dhe përfaqësuesi nga Dhoma e Përfaqësuesve në Parlamentin e Belgjikës, Theo Francken, tha se do ta ndihmojnë Kosovën në hapat e ardhshëm për integrim në BE dhe NATO, raporton Inlajmi.
Francken u shpreh se Kosova mund dhe duhet të bëhet pjesë e Asamblesë Parlamamentare të NATO-s.
“Belgjika çdo herë e ka mbështetur vendin tuaj. Nga dita e parë e Pavarësisë, dua ta theksoj se Belgjika çdo herë do ta mbështesë Kosovën si vend të pavarur dhe sovran dhe integritetin territorial të saj”, ka thënë Francken.
Ndryshe, delegacioni parlamentar belg do të takohet edhe kryetari i Kuvendit të Kosovës, Glauk Konjufca, dhe më vonë edhe kryetarët dhe zëvendëskryetarët e Komisionit për Mbrojtje dhe Siguri, Komisionit për Punë të Jashtme dhe Diasporë dhe Komisionit për Integrim Evropian./InLajmi/
