Aleanca Kosovare e Re do të marrë pjesë në protestën e thirrur nesër nga shoqëria civile.
Kështu ka konfirmuar Sekretari i Përgjithshëm i këtij subjekti politike, Vesel Makolli.
“AKR-ja, do ta mbështet fuqishem protestën e neserme, të thirrur nga shoqeria civile” tha shkurt Makolli
Pjesmarrjen në protestë e kanë konfirmaur edhe Aleanca për Ardhmërinë e Kosovës, Nisma Socialdemokrate dhe Partia Socialdemokrate.
Ende nuk kanë një vendim konkret rreth pjesmarrjes në protestë 2 partitë më të mëdha opozitare, PDK dhe LDK.Po ashtu se do ta përkrahin protestën e ditës së nesërme, kanë konfirmuar edhe nga OVL-UÇK-ja.
Në kundërshtimin të veprimeve të fundit të Qeverisë, një grup i qytetarëve ka thirrur protestë për të shtunën në Prishtinë.Në një njoftim, i cili po shpërndahet në rrjetet sociale, thuhet se kjo protestë është kundër koordinimit të Qeverisë me Milan Radojçiqin, të dyshuarin për krime të ndryshme në Kosovë.
Sipas këtij njoftimi, protesta do të mbahet nesër në sheshin “Skënderbeu”, duke filluar nga ora 18: 00.
“Qeveria e Kosovës nuk po tërhiqet na veprimet skandaloze. Prandaj, të shtunën më 15 korrik protestojmë të gjithë kundër skandaleve qeveritare, kundër koordinimit me Millan Radojqiqin! Kundër shkeljes së të drejtave të luftëtarëve të UÇK-së”, thuhet në njoftim.
Gjithashtu, aty përmendet se në protestë do të kërkohet nga Mimoza Kusari-Lila ta dorëzojë mandatin e saj të deputetes, shkruan GazetaBlic
“Mimoza Kusari, duhet ta dorëzojë mandatin. Një politikane që është zënë duke u koordinuar me Milan Radojçiqin, kundër luftërave të UÇK-së nuk duhet të jetë pjesë e Kuvendit të Kosovës”, thuhet në njoftim.
