Çfarë ka ndodhur me 14 korrik ndër vite

14 Korriku është dita e 195-të e vitit – kështu që deri në fund të vitit kanë mbetur edhe 170 ditë.

1789 – Revolucioni Francez: Në mëngjesin e kësaj dite, qytetarët e Parisit vërshuan drejt Bastijës, fortesë mesjetare dhe burg që përfaqësonte autoritetin mbretëror në qendër të Parisit. Burgu përmbante vetëm shtatë të burgosur në kohën e sulmit, por ishte simbol i shpërdorimeve të monarkisë: marrja Bastijës ishte ndezi Revolucionin. Në Francë, 14 korriku është festë publike, e quajtur Dita e Bastijës

1798 – SHBA: Akti i Trazirave bëhet ligj duke shpallur krim federal çdo shkrim, publikim ose deklaratë të rreme apo shpifje kundër qeverisë. Pjesë të këtij akti u zbutën ose u shfuqizuan më 1802.

1867 – Prodhuesi suedez i eksplozivit, Alfred Nobel, demonstron për herë të parë shpikjen e tij, dinamitin. Ai arriti të bëhej më i pasur por edhe famëkeq. Në vitin 1888, Nobel u befasua kur lexoi nekrologjinë e vet me titull “Vdiq tregtari i vdekjes”, në një gazetë franceze. Në fakt kishte vdekur vëllai i tij, Ludvig, por Alfredi i shqetësuar se si do t’a kujtonin kur të vdiste, vendosi të linte pas diçka që të kujtohej për të mirë – Alfred Nobel ishte i interesuar personalisht në mjekësi eksperimentale dhe në testament kërkoi që kur të vdiste, me pasurinë e tij të krijohej një çmim për përparime përmes zbulimeve shkencore në laboratore “për të mirën e mbarë njerëzimit”, krahas çmimeve për Fizikë, Kimi, Letërsi dhe Paqe (Çmimi për Ekonomi u krijua nga Akademia Suedeze e Shkencave më 1969 për nder të Nobelit, dhe quhet Çmim Nobel për ekonomi edhe sepse jepet në të njëjtën ditë me 5 çmimet e tjera Nobel.)

1913 – Lindi Gerald R. Ford Jr., presidenti i 38-të i Shteteve të Bashkuara të Amerikës. Emri i tij në lindje ishte Leslie Lynch King Jr, mirëpo bashkëshorti i dytë i nënës së tij më vonë e birësoi dhe ia ndërroi emrin.

1933 – Në Gjermani, jashtëligjësohen të gjitha partitë politike, me përjashtim të Partisë Naziste.

1948 – Palmiro Togliatti, kreu i Partisë Komuniste italiane, qëllohet dhe plagoset në afërsi të Parlamentit në Romë. Togliatti u qëllua tre herë, duke u plagosur rëndë – Italia u përfshi nga kriza politike dhe nga një grevë të përgjithshme. Lindur në Xhenova në 1893, Togliatti filloi jetën e tij politike në Partinë Socialiste italiane para fillimit të Luftës së Parë Botërore. Ai mori pjesë në luftë ku u plagos; kur u kthye, u bë anëtar i grupit të Antonio Gramshit dhe anëtar themelues i Partisë Komuniste. Kur Gramshi u burgos nga Benito Musolinit, Toliati u bë kryetar i Partisë Komuniste. Biografët argumentojnë se Togliatti ishte mbi të gjitha stalinist dhe ndoqi direktivat e diktatorit. Stalini e detyroi Partinë komuniste italiane për të punuar kundër Planit Marshall, pavarësisht nga humbja e mbështetjes së shumë prej votuesve italianë të cilët e donin ndihmën amerikane. Togliatti vdiq, ndërsa ndodhej për pushime në Jaltë, më 1964.

1958 – Ushtria e Irakut e rrëzoi monarkinë.

1965 – Adlai E. Stevenson Jr., kandidati presidencial demokrat në vitet 1952 dhe 1956,vdiq në moshën 65-vjeçare.

1969 – Luftë Futbolli: Hondurasi humb një ndeshje me Salvadorin. Si pasojë, trazira shpërthen në Honduras kundër punëtorëve migrantë salvadorianë.

1997 – Tribunali i Hagës dënoi Dushan Tadiqin, serb i Bosnjës me 20 vjet burgim për dhunë mbi fqinjtë e tij myslimanë dhe kroatë në kuadër të një fushate vdekjeprurëse të terrorit dhe torturës.

2007 – Koreja Veriore i tha SHBA-së se e ka mbyllur reaktorin e saj bërthamor, disa orë pasi që një anije hyri në portin verikorean përplot me naftë.