Përfaqësuesja e Kosovës në basketboll e ka luajtur ndeshjen e fundit në kuadër të fazës grupore të Kampionatit Evropian U20, Divizioni B. Të mërkurën në Shkup, Kosova U20 u përball me Ukrainën dhe pësoi humbje të thellë, 78:62.
Kosova U20 e përfundoi fazën grupore me një fitore e 3 humbje. Të martën e mposhti me mund Azerbajxhanin, ndërsa ka humbur nga Gjeorgjia dhe Suedia. Tani e presin ndeshjet për plasman përfundimtar.
Basketbollistët e rinj të Kosovës e fituan 25:23 çerekun e parë ndaj Ukrainës. Në çerekun e 2-të pësuan 15:10, ndërsa dallimi u bë në çerekun e 3-të, të cilin Ukraina e fitoi 21:12. Ukrainasve u takoi edhe çereku i 4-t, 19:15.
Më i miri te Kosova ishte Jon Ukaj me 10 pikë e 7 kërcime. Jon Ismajli i kishte 9 pikë e 6-të kërcime. Dion Sheqiri shënoi 11 pikë, por kishte edhe shumë gjuajtje të humbura. Ai shtoi edhe 8 kërcime.
Ndërkohë Shqipëria ka mbyllur fazën grupore me të gjitha humbje. Të mërkurën pësoi thellë 99:57 nga Letonia. Aleksis Nika ishte më i miri te Shqipëria me 13 pikë e gjashtë kërcime.
Shqipëria U20 ka humbur edhe nga Holanda, Finlanda dhe Zvicra. Ndaj Zvicrës i mungoi fati duke humbur gjuajtjen për fitore e më pas në kohën shtesë edhe për barazim. Zvicra e ka fituar grupin D, duke lënë prapa Letoninë, Finlandën, Holandën e Shqipërinë, shkruan Teve1
Në Evropianin U20 të Divizionit B po paraqiten 20 përfaqësuese të ndara në 4 grupore.
