Presidentja e Kosovës Vjosa Osmani, ka reaguar pas përleshjeve që ndodhën këtë të enjte në Kuvendin e Kosovës, duke thënë se përdorimi i i dhunës fizike si mjet për t’i adresuar pakënaqësitë, dallimet apo mosmarrëveshjet politike është dëmi më i madh që mund t’i bëhet institucioneve që janë ndërtuar me aq shumë mund e sakrificë, përcjell InLajmi.
Tutje Osmani tha se kuvendi është gurthemeli i shoqërisë sonë demokratike, ku zëra të ndryshëm bashkohen për t’i përfaqësuar interesat e qytetarëve, dhe se dhuna nuk ka vend në tempullin e demokracisë dhe nuk mund të shndërrohet në mjet politik.
Tutje ajo u shpreh se duhet të riafirmohet përkushtimi ndaj demokracisë, mendimit ndryshe, sikurse edhe respektit të ndërsjellë, duke u mbështetur në sundimin dhe respektimin e ligjit.
Kujtojmë se tërë ngjarja kishte filluar kur deputeti i PDK-së Mërgim Lushtaku ka gjuajtur me ujë kryeministrin Kurti gjatë kohës sa ai po mbante një fjalim në seancën e Kuvendit.
Postimi i plotë i saj:
Përdorimi i dhunës fizike si mjet për t’i adresuar pakënaqësitë, dallimet apo mosmarrëveshjet politike është dëmi më i madh që mund t’i bëhet institucioneve që janë ndërtuar me aq shumë mund e sakrificë.
Kuvendi është gurthemeli i shoqërisë sonë demokratike, ku zëra të ndryshëm bashkohen për t’i përfaqësuar interesat e qytetarëve, ndaj dhuna nuk ka vend në tempullin e demokracisë dhe nuk mund të shndërrohet në mjet politik.
Duhet ta riafirmojmë përkushtimin tonë ndaj demokracisë, mendimit ndryshe, sikurse edhe respektit të ndërsjellë, duke u mbështetur në sundimin dhe respektimin e ligjit/InLajmi/
