Këshilltari i zëvendëskryeministrit Besnik Bislimi, Klisman Kadiu, incidentin në Kuvend e cilëson të inicuar nga deputeti i PDK-së Mërgim Lushtaku, duke shtuar se ky i fundit ishte i pari që e sulmoi zëvendëskryeministrin Besnik Bislimi, përcjell InLajmi.
Kadiu, duket të ketë vëzhguar të gjitha detajet e përplasjes, ndërsa thekson se sulmin e parë, ndaj kryeministrit, edhe ndaj zëvendëskryeministrit e bëri deputeti Lushtaku, prandaj tha ai këtu fillon eskalimi.
Aty pastaj nisin sulmet edhe më të ashpra ndaj ministres Haxhiu e ministrit Murati.
Sipas tij pamjet janë të qarta dhe dihet mirë se kush e filloi, duke e quajtur të turpshme shtrembërimin e të vërtetës.
Ai kërkon që akterët e grushtave ndaj Bislimit e Haxhiut të dënohen.
Postimi i plotë i tij:
Mërgim Lushtaku gjuan me ujë Kryeministrin Kurti. Pas saj, sulmon në drejtim të zëvendëskryeministrit Bislimi. Pra sulmin e parë, edhe ndaj Kryeministrit, edhe ndaj zëvendëskryeministrit e bën deputeti Lushtaku. Këtu fillon eskalimi.
Aty pastaj nisin sulmet edhe më të ashpra ndaj ministres Haxhiu e ministrit Murati. Pamjet janë të qarta. Situatën dihet kush e filloi. E turpshme kush po e shtrembëron me qëllim të vërtetën. E ulët dhe e turpshme kush po viktimizohet për këtë, kur po i nisin situatat vetë.
Grushtat ndaj ministrit Murati, ndaj zëvendëskryeministrit Bislimi dhe ministres Haxhiu duhen dënuar ashpër/InLajmi/
