Deputeti i LDK-së, Armend Zemaj, ndërsa flet për përplasjen e deputetëve opozitar me ministrat e qeverisë, tha se gjuajtja me ujë nga deputeti i PDK-së, Mërgim Lushtaku kundrejt kryeministrit Albin Kurti nuk është sulm, raporton InLajmi.
Zemaj ka thënë se përleshja nuk flet për përçarje mes opozitës e pozitës, porse mes tyre nuk ka as bashkëpunim.
Tutje tha ai mungon bashkëpunim mes pozitës edhe opozitës, porse tha ai së paku pushteti koordinohet me Listën Serbe.
Ai u shpreh se në shtetet demokratike edhe incidentet duhet të jenë demokratike.
Për më tepër ai bën një vërejtje të përgjithshme të mos gjykohet e të sillet përfundim se çfarë ka brenda Kuvendit dhe mes deputetëve
“Mos gjykoni diçka me sjellë një përfundim brenda Kuvendit dhe deputetëve të saj. Unë ndoshta s’i kam parë të gjitha pamjet. Çfarë konsideroni ju sulm? Gjuajtja me ujë nuk është sulm”, u shpreh Zemaj.
Ai tha se aktualisht nuk ka as bashkëpunim por as edhe përçarje në mes pozitës dhe opozitës parlamentare.
“Nuk ka përçarje as nuk ka bashkëpunim. Pushteti nuk koordinohet me opozitën. Pushteti koordinohet me Listën Serbe dhe kriminelët”/InLajmi/
