Ish-kryeministri Avdullah Hoti, ka kritikuar qeverinë Kurti duke thënë se nga mos përfillja e kërkesave të aleatëve bien në kurthin e Vuçiqit që për qëllim ka tensionimin e situatës në veri, përcjell InLajmi.
Hoti tha se kjo qeveri nuk përfill kërkesat e aleatëve kur u vijnë për vizitë në Prishtinë dhe u kërkojnë zgjedhje të reja në ato komuna pa kushte nga asnjëra palë.
Tutje deputeti i LDK-së tha se palët shkojnë në Bratisllavë për shtensionim të situatës e askush nuk e di se për çfarë janë marrë vesh.
Hoti tha se qeverisja aktuale Uashingtonin e Brukselin i ka zëvendësuar me Ohrin e Bratisllavën.
Ai këtë e quajti politikë se jo mahi.
Postimi i plotë i tij:
Duke mos përfillur këshillat e aleatëve, bien në kurthin e Vuçiqit që për qëllim ka tensionimin e situatës në veri.
Kryetarët e zgjedhur me 2% i fusin në zyrë me polici dhe i mbajnë të ngujuar.
Nuk i përfillin kërkesat e aleatëve kur u vijnë për vizitë në Prishtinë dhe u kërkojnë zgjedhje të reja në ato komuna pa kushte nga asnjëra palë.
Shkojnë në Bratisllavë e merren vesh për shtensionim të situatës, por askush nuk di gjë se çfarë janë marrë vesh.
Uashingtonin e Brukselin i kanë zëvendësuar me Ohrin e Bratisllavën.
Kjo është politikë se jo mahi/InLajmi/
