Kryetar i Aleancës për Ardhmërinë e Kosovës Ramush Haradinaj, ka kujtuar 28 vjetorin e masakrës së Srebrenicës ku vdiqën mijëra persona nga regjimi i Millosheviqit, përcjell InLajmi.
Haradinaj tha se njerëz të pambrojtur e pa asnjë faj, përfshirë edhe fëmijë, gra e të moshuar, pësuan nga projektet shoviniste të realizuara përmes gjenocidit.
Tutje ai tha se Millosheviqi nuk u ndal vetëm me këtë masakër por vazhdoi të kryejë masakra të tjera në Kosovë, me përmasa të një gjenocidi të ri.
Postimi i plotë i tij:
Kujtojmë sot mijëra jetë të shuara në Srebrenicë, nga aparati shtetëror i Millosheviqit.
Njerëz të pambrojtur e pa asnjë faj, përfshirë edhe fëmijë, gra e të moshuar, pësuan nga projektet shoviniste të realizuara përmes gjenocidit.
Masakra e Srebrenicës, 28 vjet më parë, fatkeqësisht nuk e ndali regjimin e Millosheviqit të kryejë masakra të tjera në Kosovë, me përmasa të një gjenocidi të ri.
Qoftë i përjetshëm kujtimi për viktimat!/InLajmi/
