Presidenti i Malit të Zi, Jakov Milatoviq, po qëndron në vizitë zyrtare në Serbi, ndërsa pas takimit me presidentin serb Aleksanër Vuçiq tha se është me rëndësi që situata në veri të Kosovës të vihet nën kontroll dhe të de-përshkallëzojë, transmeton InLajmi.
Tutje ka shtuar Milatoviq, se Serbia duhet ta ketë prioritet edhe normalizimin e marrëdhënieve Prishtinë-Beograd.
Gjithashtu theksoi ai se prioritet për normalizim të mardhënieve mes këtyre 2 vendeve e ka edhe shteti fqinjë Mali i Zi.
Presidenti malzaze, tha ndë të tjera se shteti i tij e mbështet dialogun dhe ai të përfundojë në të miortë të 2 vendeve.
“Ne e mbështesim sinqerisht dialogun ndërmjet Beogradit dhe Prishtinës dhe duam që ai dialog të përfundojë në të mirë të Beogradit dhe Prishtinës. Nuk jam i lumtur për tensionet dhe përsëri apeloj për de-përshkallëzimin dhe i mirëpres përpjekjet e Beogradit për këtë dhe e di që Vuçiq do të bëjë shumë për ta arritur atë de-përshkallëzimin. Duhen 2 për tango. Pozicioni i BE-së dhe dialogu që ekziston në platformën e prezantuar nga BE-ja është ajo që Podgorica e mbështet në këtë moment”, tha presidenti malazez.
Sipas tij, më e rëndësishmja është që të fokusohemi në tema që na afrojnë, jo të na largojnë dhe se e rëndësishme është normalizimi i marrdhënieve, shkruan pink.rs.
‘Me siguri 95 %e temave janë ato që na afrojnë dhe që duhet të jetë fokusi ynë. Ka nga ata që nuk kemi të njëjtat pikëpamje, sigurisht që edhe çështja e Kosovës është një prej tyre. Mendoj se Mali i Zi dhe Beogradi zyrtar në periudhën e ardhshme duhet t’i qasen më kuptimplotë temave që na distancojnë, duke u vënë në vendin e njëri-tjetrit dhe duke folur hapur. Ju e dini që Mali i Zi e ka njohur pavarësinë e Kosovës në vitin 2008. Mendoj se duhet të jemi njerëzor dhe politikisht të arsimuar për të kuptuar pozicionin e Serbisë kur bëhet fjalë për pikëpamjen e saj për atë që ajo thotë se është pjesë e territorit të saj”, u shpreh Milatoviq/InLajmi/
