Ministri i Administrimit të Pushtetit Lokal Elbert Krasniqi, këtë të hënë është takuar me Ministren e Kohezionit Territorial të Portugalisë Ana Abrunhosa, zhvillimi ekonomik lokal, kohezioni social dhe bashkëpunimi në iniciativat transnacionale ishin temat kyçe të cilat i diskutuam, përcjell InLajmi.
Krasniqi tha se e ka ftuar ministren Abrunhosa në konferencën “City to City Diplomacy” të cilën do ta organizojmë me MPJD-në, ku synojnë të bashkojnë komunat nga vende të ndryshe në një konferencë e cila organizohet për herën e parë në këtë format.
Ai tutje shtoi se niveli lokal nuk është përkrahur asnjëherë më me zell e përkushtim nga niveli qendror dhe shtoi se janë të përkushtuar dhe këmbëngulës që t’i përmisojnë shërbimet për qytetarët e t’i ndihmojnë kryetarët.
Postimi i plotë i tij:
Vizitën zyrtare në Portugali i shoqëruar nga ambasadori ynë Ylber Kryeziu, e fillova me takimin e frytshëm me Ministren e Kohezionit Territorial të zonjën Ana Abrunhosa.
Transformimi nga Komunat urbane në ato të gjelbëra, zhvillimi ekonomik lokal, kohezioni social dhe bashkëpunimi në iniciativat transnacionale ishin temat kyçe të cilat i diskutuam dhe për të cilat jemi dakorduar që të fillojmë bashkëpunimin në mënyrë që të përfitojnë Komunat dhe qytetarët e 2 shteteve tona.
Ministren znj. Abrunhosa e ftova në konferencën “City to City Diplomacy” të cilën do ta organizojmë me MPJD-në, dhe në të cilën synojmë të bashkojmë Komunat nga vende të ndryshe në një konferencë e cila organizohet për herën e parë në këtë format.
Niveli lokal nuk është përkrahur asnjëherë më me zell e përkushtim nga niveli qendror. Në mandatin tonë jemi të përkushtuar dhe këmbëngulës që t’i përmisojmë shërbimet për qytetarët e t’i ndihmojmë kryetarë/InLajmi/
