Deputeti i Vetëvendosjes, Artan Abrashi i ka dalë në mbrojtje shefes kosovare të diplomacisë Donika Gërvalla e cila e quajti BE-në një tigre prej letre.
Ai ka thënë se deklarata e tillë nuk i dëmton marrëdhëniet mes Kosovës dhe Bashkimit Evropian.
“Zonja Gërvalla e ka sqaruar rastin e saj. Deklarata është bërë publikisht. Është një realitet që gjithë bota e dinë. Deklarata e tillë nuk i dëmton marrëdhëniet meqë vetë përfaqësuesit e BE-së e konfirmojnë çdo ditë se Evropa nuk ka ndonjë konsensus të plotë çdo herë, rreth çdo teme. Kritikën ndaj BE, formën se si merren vendimet, qasjen e shteteve ndaj rasteve e bëjnë vetë përfaqësuesit e BE-së, pse nuk mund ta bëjë Kosova”.
Ai pati akuza edhe për opozitën.
“Kishte një reagim të sforcuar të opozites dhe zgjatim të saj në disa medie për të krijuar përshtypje të një skandali që nuk qëndron”, u shpreh Abrashi
Abrashi mohoi se VV ka bashkëpunim me Listën Serbe, pas daljes së disa përgjimeve ku dëgjoheshin teksa konsultoheshin shefja e VV-së në Kuvend, Mimoza Kusari dhe deputeti serb, Slavko Simic.
“S`është çudi që deputetët e Listës Serbe mund të bëjnë skenare të tilla. Ky është sekret publik. Mund të them se VV nuk asnjë bashkëpunim me ata. Çdo gjë bëhet në kuadër të agjendës legjislative të Kuvendit”.
Ai tha se komunikime te tilla kanë edhe me partitë tjera, shkruan FrontOnline
“Diskutime rreth votimeve, bëjmë edhe me PDK, LDK, me komunitetet jo serbe e edhe ato serbe”.
