Ndahet nga jeta në moshën 88-vjeçare Luis Suarez Miramontes, legjendë e futbollit dhe i vetmi spanjoll i lindur në Spanjë që ka fituar “Topin e Artë”.
Lajmi e dha i pari klubi i Interit, ku ai kaloi një pjesë të madhe të karrierës së tij.
Spanjolli, i cili la fillimisht gjurmë te Barcelona, luajti në Itali midis 1961 dhe 1973 me Interin dhe Sampdorian.
Pikërisht në ekipin gjenoves përfundoi karrierën si futbollist, para se të niste si trajner.
“Një talent unik dhe një tifoz i madh i Interit. Numri 10 i Interit të Madh që i çoi ngjyrat tona në çatinë e Italisë, Evropës dhe botës. Nëse nuk dini çfarë të bëni, jepini topin Suarezit. Lamtumirë Luisito!”, ishte mesazhi i Interit në rrjetet sociale.
Spanjolli ishte një futbollist i Barcelonës për shtatë sezone dhe fitoi 2 liga spanjolle, 2 kupa spanjolle dhe Topin e Artë 1960, shkruan Telegrafi
Për plot 9 sezone veshi fanellën e Interit, duke fituar 3 tituj të Serisë A, 2 Kupa Evropiane, Ligën e Kampionëve.
