Këngëtarja shqiptare me famë botërore, Rita Ora, ka folur së fundmi, për albumin e saj më të ri në ardhje, si dhe për sfidat që e kanë përshkruar në rrugën drejt suksesit.
Ora ka qenë në lëvizje për 11 vjet, që kur ajo arriti të ketë 3 këngë në vendin e parë në top-listën zyrtare të Mbretërinë e Bashkuar në vitin 2012.
Megjithatë, që nga debutimi i saj ndërkombëtar, ajo ka publikuar vetëm 2 albume dhe 24 këngë (duke grumbulluar plot 13 hite që janë renditur në top 10 në Mbretërinë e Bashkuar). Ajo ka interpretuar në 130 shfaqje live në më shumë se një dekadë.
Megjithatë, ajo këmbëngul, “Muzika është në gjithçka që bëj. Muzika është ëndrra”, thekson Rita. Pjesa tjetër, sipas nënkuptimit, është vetëm ajo që një vajzë duhet të bëjë për të qëndruar në krye në një epokë kur fansat “presin me siguri më shumë” nga yjet e tyre të preferuar. “Nëse nuk vjen nga ju”, thotë Ora, “ata thjesht do ta marrin diku tjetër”.
Rita Ora mbetet shumë e lidhur me prindërit e saj.
“Ishte thjesht dashuri dhe qëndrueshmëri në shtëpinë tonë”, thotë ajo. “E gjitha kishte të bënte me të qenit e sjellshëme, të respektueshëm dhe të punonje sa më shumë”, tha Rita kur u pyet për familjen.
Dhe ajo është gjithashtu krenare për trashëgiminë e saj familjare. E lindur me emrin e vërtetë Rita Sahatçiu në Prishtinë, Ish-Jugosllavi tani Kosovë në vitin 1990, ajo u soll në Mbretërinë e Bashkuar si refugjate kur ishte një vjeçe, duke jetuar së bashku me 4 anëtarët e familjes së saj në një dhomë në akomodimin e ngushtë të këshillit në perëndim të Londrës.
Babai i saj musliman ishte një mësues që e ri-gjeti veten si qiradhënës në pijetore, duke punuar me turne të dyfishta për të mbajtur 3 fëmijët e tij, ndërsa nëna e saj ishte kameriere dhe studionte për t’u bërë një psikiatre, duke i mbijetuar 2 betejave me kancerin e gjirit, shkruan The Telegraph
“Mamaja ime thoshte: ‘Ti je një nga unë, e ke gjakun tim në venat e tua’”, kujton Ora. “Është një mentalitet shqiptar i Evropës Lindore: çfarëdo që të ndodhë, ngrihuni, vazhdoni të mos dorëzoheni. Vazhdoni të ecni dhe vazhdoni të lulëzoni”, thotë Rita, shkruan KultPlus.
Rita përndryshe do të nxjerrë në shitje albumin e saj më të ri “You & I” më 14 korrik.
