President i Serbisë Aleksandër Vuçiq, akuzon Kosovën gjoja persekutimin e serbëve dhe planin për spastrim etik, ndërsa thekson se ky plan është i organizuar nga Prishtina e i mbështetur edhe nga disa autoritet nga bashkësia ndërkombëtare, transmeton InLajmi.
Në një konferencë për media, Vuçiq kujtoi fillimin e negociatave, ndërsa theksoi se ai për 11 vite ka qenë pjesë e negociatave me Kosovën, duke shtuar se sot Serbia është në situatë më të vështir se kurrnjëher më pare.
“Jo nga dëshira, përgjegjësia, por nga aktivitetet e përditshme të regjimit në Prishtinë, por edhe nga ata që e shohin mirë dhe heshtin ndaj tij”, theksoi ai.
Ka një përpjekje për spastrim etnik në Kosovë, tha Vuçiq.
Siç tha ai, “ndoshta do ta kisha më të lehtë të mos them se në Kosovë po bëhet spastrim etnik, mund të fusja kokën në rërë si struci dhe të them se nuk është asgjë e tmerrshme…”, u shpreh Vuçiq.
Megjithatë, ai tha se nuk i shkon mendja të bëjë luftë kundër NATO-s, por as që nuk i shkon mendja të gënjejë popullin e tij se nuk po ndodh asgjë.
Vuçiq tha se dëshiron të na informojë se aksioni i persekutimit dhe spastrimit etnik i kryer nga regjimi i Prishtinës është i organizuar mirë, i planifikuar dhe i mbështetur nga qarqe të caktuara në bashkësinë ndërkombëtare.
Ai dha edhe shembuj, si vendimi i marrë që të gjithë serbët e shquar që mund të jenë pikë e rezistencës ndaj regjimit të Prishtinës duhet të vriten, të arrestohen ose të fshihen.
Sipas tij, ai aksion filloi në Shtërpac në vitin 2021 me arrestimin e 3 serbëve të cilët janë ende në paraburgim.
“EULEX-i dhe bashkësia ndërkombëtare heshtin. Nuk mund të hesht sepse nuk do të jem pjesë në persekutimin e popullit tim”, deklaroi ai.
Ai ka numëruar pikat të cilat, siç tha, janë të uzurpuara dhe me të cilat “po përpiqen të pengojnë ngritjen e barrikadave, importimin e mallrave nga Serbia, për të futur frikë të plotë në çdo shtëpi serbe”
“Një sulm i përgjithshëm ndaj serbëve është duke u zhvilluar”, thotë Vuçiq, duke shtuar se do t’i tregojë komunitetit ndërkombëtar se Serbia ka pritur formimin e Asociacionit, lirimin e njerëzve të pafajshëm por asgjë nga këto nuk ka ndodhur.
“Në përputhje me të gjitha këto, ne jemi të gatshëm të vazhdojmë bisedimet. Është e qartë se Serbia është e mbështetur në një për muri”, tha Vuçiq, shkruan Danas.rs
Vuçiq tha se “javën e ardhshme do të kërkojë një bisedë urgjente me kreun e NATO-s, Jens Stoltenberg, për të treguar situatën dhe për të thënë se çfarë mund dhe nuk mund të bëjë.
Pas bisedës me Stoltenberg Serbia do të kërkojë një seancë urgjente për Kosovë në Këshillin e Sigurimit të OKB-së, duke marrë parasysh se jeta e serbëve është në rrezik”, tha Vuçiq/InLajmi/.
