Elvir Azizi këtë të mërkurë ka pranuar detyrën e tij si drejtor i ri i Shërbimit Spitalor dhe Klinik Universitar të Kosovës, ku në mbledhjen e Bordit Drejtues së SHSKUK-ut ishte edhe Ministri i Shëndetësisë Arben Vitia, përcjell InLajmi.
Ministri Vitia uroi drejtorin e ri të SHSKUK-së për pozitën duke e mbështetur atë, tutje falënderoi zëvendësdrejtoreshën e SHDKUK-ut Narqize Arënliu-Hoxhaj, për punën dhe kontributin e deritanishëm.
Drejtori i ri i SHKUK-së falënderoi ministrin dhe bordin duke premtuar angazhim maksimal për avancim të projekteve, në të mirë të shërbimeve shëndetësore për pacientët.
Njoftimi i plotë nga SHSKUK:
Ministri i Shëndetësisë, Arben Vitia, i është bashkangjitur mbledhjes së Bordit Drejtues të SHSKUK-së, në të cilën është bërë pranimin e detyrës së drejtorit të ri të Shërbimit Spitalor dhe Klinik Universitar të Kosovës, Elvir Azizi.
Me këtë rast, ministri ka falënderuar zëvendësuesen e drejtorit të SHSKUK-së, Narqize Arënliu-Hoxhaj, për punën dhe kontributin e deritanishëm në menaxhim të SHSKUK-së.
Ai u shpreh se drejtoresha ka bërë punë të jashtëzakonshme gjatë kohës sa përkohësisht ka menxhuar SHSKUK, përkundër sfidave që kanë qenë prezentë.
Ministri Vitia pasi ka uruar zgjedhjen e drejtorit të ri të SHSKUK-së, ka shtuar se përkrahja e Ministrisë së Shëndetësisë do të jetë e vazhdueshme për Bordin Drejtues dhe drejtorin e ri.
Në anën tjetër, znj. Arënliu Hoxhaj, ka njoftuar me punën dhe projektet që janë zhvilluar gjatë kohës sa ka menxhuar me SHSKUK, por edhe projektet që janë në zbatim e sipër.
Elvir Azizi, drejtor i SHSKUK, ka falënderuar ministrin dhe Bordin për besimin që i është dhënë për menaxhim të SHSKUK, duke premtuar angazhim maksimal për avancim të projekteve, në të mirë të shërbimeve shëndetësore për pacientët.
Elvir Azizi ëshrë zgjedhur drejtor i SHSKUK-së, përmes konkursit publik që kishte shpallur Bordi Drejtues i SHSKUK-së/InLajmi/
