Federata e Futbollit e Kosovës dhe Komuna e Dardanës janë dakorduar për mbështetjen e turneut tradicional të futbollit të vogël në Roganë.
Ky turne është njëri nga më të organizuarit në vendin tonë dhe grumbullon ekipe nga mbarë trojet shqiptare.
Agim Ademi dhe kryetari i komunës së Dardanës, Kadri Rahimaj, sot, kanë nënshkruar marrëveshjen për mbështetjen e këtij aktiviteti, i cili gjatë zhvillimit të tij grumbullon numër të madh edhe të bashkatdhetarëve tanë, të cilët në këtë periudhë vijnë për pushime në vendlindje, shkruan lajmi.net
Në edicionin e sivjetmë do të marrin pjesë 32 ekipe, derisa ky turne ka jehonë të madhe jo vetëm në Anomoravë, por edhe më gjerë.
