Ministri i Financave Hekuran Murati, përmes një konference për media ka folur rreth mungesës së punëtorëve në vend, raporton InLajmi.
Murati tha se ka mospërputhje ndërmjet aftësive që kërkojnë bizneset dhe aftësive që i posedojnë të rinjtë, dhe se bizneset nuk janë duke krijuar kushte të mira për punëtorët.
Murati tutje shtoi se po marrin masa ka në vazhdimësi shtim të tyre për ta zgjidhur këtë problem.
Ministri tha se Qeveria ka mbështetur trajnime apo kurse të IT-së dhe trajnime për sa i përket fushave të tjera, ku shtoi se bizneset e kanë rritur profitin dhe se duhet të rriten edhe pagat e punëtorëve.
“Ka një mospërputhje mes të aftësitë që kërkohen nga tregu i punës dhe të atyre që shumica e të rinjve tanë i kanë. Pra, ka vende pune për programer, mirëpo duhet kohë që të trajnohen dhe të shkollohen programer të rinj me paga të larta. Kemi edhe problemin e mosofrimit të kushteve nga bizneset”, tha ministri/InLajmi/
