Aktorja Zamira Kita ka folur sot për eksperiencën e saj si pjesë e një filmi ku ajo do të luajë së bashku me këngëtarin Luiz Ejlli. “Jemi lodhur të them të drejtën, po xhirojmë deri në 5 të mëngjesit sa ndonjëherë nuk arrijnë skenat të mbarohen sepse del drita”, tha aktorja.
Për Luizin, ajo tha se si aktor është shumë i këndshëm dhe i natyrshëm, shkruan Living.al
“Është shumë interesant. Është i panjohur si aktor, por në fakt është një aktor shumë i këndshëm, ka shumë organicitet në lojën e tij, është shumë i natyrshëm, i këndshëm. Ndonjëherë nuk e punojmë shumë skenarin, por ai me një të hedhur syrit në letër, me një lexim apo kalim teksti, ai është në xhirim i paparë, ecën shumë mirë. Ndonjëherë të vë në siklet kur ne nuk i mbajmë mend, apo gabojmë nga lodhja dhe ngarkesa e madhe, por është aktor shumë i mirë përveç se është i këndshëm. Është shumë i dashur!” u shpreh ajo.
